Shadow

Debate para sa mayoral kag gubernatorial candidates sang Bacolod kag Negros Occidental ipatigayon sa Sabado

Sa sugod pa lang, virtual na ang invitation sang mga organizers para sa debate sa mayoral kag gubernatorial candidates para sa Sabado.

Ini ang sabat sang organizing committee sang University of the Philippines Law Alumni Association Negros Occidental Chapter sa sulat ni Mayor Evelio Leonardia nga dapat para mangin debate gid ang matabo, dapat face to face ini. Naga duda siya nga kun indi face to face basi may matudlo sa iya nga
pangontra.

Suno sa organizers, mas masadya gid man ang face to face nga debate pero sa padayon nga naga saka nga kaso sang Covid-19 mas maayo nga himuon ini nga virtual parehos sang nabutang sa ila nga sulat nga ginpadala sa mga kandidato sadto pang Oktubre 2021.

May pila ka mga bagay nga gin kwestyon ang kampo sang alkalde sa mga impormasyon nga nabutang sa iya nga profile pero suno sa organizers, sila na lang ang nag research kay wala man sang may ginpadala ang mga kandidato nga impormasyon bisan ila na ini nga gin pangayo.

Samtang si Bacolod mayoralty aspirant Albee Benitez naman ang nagsabat man nga handa siya mag atubang bisan sa kay sino, bisan diin kag sa bisan ano nga pamaagi para istoryahan ang mga problema kag isyu nga maka pa ayo sa bacolod kag para sa kaayuhan sang mga bacolodnon. Iya sundon kun ano ang format kag mechanics sang organizers.

Pati ang mga maga papili bilang gobernador ang maga debate man.

Sa Sabado na ang Debate Eleksyon 2022 sang Up Law Alumni Association Negros Occidental Chapter, university of st. La salle kag inquirer nga sarang masaksihan sang publiko sa Facebook live sa Sabado las diyes sang aga. Ang link ang iga post man sa page sang Digicast Negros sa Sabado.

Leave a Reply

Your email address will not be published. Required fields are marked *

Secured By miniOrangeSecured By miniOrange