Fake news ang mga nagalapta nga istorya nga may ipatuman nga lockdown sa Bacolod kag bisan ang pagbutang sang border control checkpoint sa Bacolod.
Ini ang suno kay Vice Mayor El Cid Familiaran karon nga ipaidalom na sa alert level 3 ang siudad.
Suno sa local chairperson sang Inter Agency Task Force ang pagpanubo sang venue capacity sang mga commercial establishment,ilabi na sa mga mall kag restaurant halin sa 50 to 70 percent pakadto sa 30 percent to 50 percent depende kun indoor ukon outdoor venue ang kabahin sa mga guidelines sa alert level 3.
Kun ibase sa guidelines sang Inter Agency Task Force, sumugod bwas pagadumilian naman ang mga contact sports kasubong sang basketball, mga karaoke bars, clubs, sinehan kag iban pa nga entertainment activities.
Suspended man ang pagpatuman sang face to face classes.
Natalana man nga magapa gwa sang executive order si Mayor Evelio Leonardia angut sa pagpatuman sang curfew kag liqour ban kag iban pa nga pa pagsulundan sa idalom sang alert level 3.
Ang Bacolod City ang isa lamang sa 28 tanan ka mga areas nga gin dugang sa mga lugar nga gin paidalom sa alert level 3 bangud sang naga saka nga kaso sang Covid-19.