Negros Island Region ang 90 percent na nga operational. Pag-convene sang Regional Development Council para sa Negros Island Region ang indi na kinahanglan suno kay Mayor Albee Benitez.
Ginpahayag sang alkalde nga may duha na lang sa 36 ka mga departamento sa idalom sang Negros Island Region ang wala pa sang appointed nga regional director.
Sa pagsinapol sang House Committee on Visayas Development ginduso sang alkalde nga ginakinahanglan ma-appoint gilayon ang mga regional directors para mas mapadasig ang panghimanwa karon nga makabig 90 porsyiento na nga operational ang NIR.
Gindugang sang alkalde nga nag-serbe nga chairman sang Western Visayas Regional Development Council nga sa karon indi na kinahanglan nila nga mag-convene para sa pagpili sang panibag-o nga katapo sang council bangud sang nagahilapit nga pinili-ay.
Ang Department of the Interior and Local Government amo ang magapamuno sa pag-transition sang NIR sa tunga sang Western kag Central Visayas kun diin nalakip anay ang probinsya sang Negros Occidental, Negros Oriental kag Siquijor.