Tumandok sang Cauayan, Negros Occidental nga National Scientist nagtaliwan sa edad nga 93.
Napatay sa ospital si Dr. Angel Alcala kahapon matapos ma confine sa sulod sang tatlo ka adlaw.
Ini ang ginkumpirma sang iya nga anak nga isa ka veterinarian nga si Ely.
Si Doc Angel ang nagdako sa banwa sang Cauayan kag anak sang isa ka mangingisda.
Ini ang nag inspire sa iya nga tapuson ang biology course sa Silliman University sa Dumaguete City sang 1951 kun sa diin siya ang nangin magna cum laude.
Nagpa Stanford University siya bilang Fulbright scholar kag natapos ang iya masteral kag doctorate degrees sang 1966 kag liwat nga nagbalik sa Silliman para magtudlo sang biology.
Nag focus siya kag ang iya nga team sa pag rehabilitate sang corral reefs kag ang paghimo sang artificial coral reefs.
Sang 1991 gin appoint siya bilang 9th president sang Silliman University kag nangin DENR secretary sa panahon ni anay Presidente Fidel V Ramos.
1992 gintagaan si Dr. Alcala sang Ramon Magsaysay Award for pioneering scientific leadership in restoring and protecting coral reefs.
June 2014 gin confer ni anay Presidente Noynoy Aquino kay Dr. Alcala ang order of National Scientist of the Philippines Award.