Konplikto sa negosyo kabahin sa mga motibo nga ginalantaw sa pagpatay sa negosyante sa Barangay Estefania sa Bacolod.
Nagapabilin nga blanko pa ang Police Station 4 sa kun sin o ang responsable sa pagtiro kag pagpatay sa bar owner nga si Elson Cepeda sang Huwebes sang kaagahon.
Malawig na nga naga-operate ang ginapanag-iyahan nga resto bar ni Cepeda sa Barangay Villamonte.
Gani isa ini sa mga ginapadalman sa pagpang usisa sang kapulisan amo ang anggulo angut sa konplikto sa negosyo.
Ini man ang ginatumod nga hisaay sa negosyo sang amay sang biktima nga si Samson Cepeda nga nakasugilanon niya antes natabo ang pagpaniro sa iya sa gwa sang convenience store sa atubang sang Barangay Hall sang Estefania.
Ginpahayag pa ni Samson nga may kaangtanan ang iya anak sa STL operation nga isa pa sa iya ginasuspetsuhan may kabangdanan sa paghingabot sa kabuhi sang iya anak.
Makaduha na ini ka beses nga may gintiro kag napatay sa atubang sang barangay hall. Ginsiling ni Punong Barangay Jerry Tingson nga makabig isolated ang natabo nga krimen.
Nagpasalig siya nga pasanyugon pa ang seguridad paagi sa dugang nga mga CCTV agud mapabaskog ang monitoring operation sang barangay tanod.