Patay ang 52 anyos nga si Leopoldo Agodon matapos siya tiruhon kaina sang aga samtang naga maneho sang iya nga truck sa Barangay Mambulac sa siudad sang Silay.
Sa imbestigasyon sang Silay PNP, ang biktima ang manug parking na kun tani sang iya nga truck sa kilid sang dalan sang hinali na lang siya gin palapitan sang gunman kag gin tiro sang makapila ka beses.
Apat ka basiyo sang calibre 45 nga armas ang na recover sa crime scene.
Padayon pa karon ang imbestigasyon sang kapulisan sa kun ano ang motibo sa pag patay kay Agodon kag kun sin-o ang may kahimuan sang krimen.