Negros Occidental ang lubos na nga maga fund sang 1.1 billion pesos nga bulk water project sini.
Paathag ni Provincial Administrator Rayfrando Diaz, indi na sa idalom sang PPP ukon public-private partnership scheme ang Negros Occidental Bulk Water Project.
Tigaylo, gamiton na lamang sang probinsya ang kaugalingon nga pondo sini kaangay sang savings para sa proyekto agudto matigayon ang pag hatag sang tinlo kag mas barato nga tubig sa 14 pesos per cubic meter.
Kun may partner indi malikawan ang pagmahal man sa presyo.
Sa session sang nagligad nga semana suno sa provincial administrator na aprobahan na sang Sangguniang Panlalawigan ang 520 million pesos nga pondo para sa first tranche sang proyekto.
Karon gina tapos sang probinsya ang mga terms of reference kasubong man ang mga financial kag technical documents agudto maka proceed na sa procurement ukon sa bidding process.
Naga laum ang probinsya nga tigayon na nga maka kuha ang project sang resolution of no objection ukon RONO gikan sa Silay City Council.
Ang una nga phase naga tumod sa construction gikan sa intake point padulong sa bulk water treatment facility nga tuyo ipahamtang sa isa ka ektariya sang duta sa Guimbalaon sa Silay City nga ginbakal sang probinsya.
Gina paabot ang pag reclassify sang natungdan nga duta suno kay Diaz.
Kun mangin tayuyon ang tanan sa ginalauman early October matigayon ang bidding para phase 1.
Ang phase 2 nga naga tumod sa pag pahamtang sang mga conveyance pipes mahimo sa madason nga tuig.
Target sang probinsya nga mahuman ang proyekto sa duha ka tuig, sa idalom sang administrasyon ni Governor Lacson.
Una nga mangin priority ang Silay, sunod ang Talisay kag kun masarangan pa Bacolod kag EB Magalona.