Probinsya sang Negros Occidental ang napaidalom na sa state of calamity.
Sa special session kaina, gin pasar sang Sangguniang Panlalawigan ang rekomendasyon sang Provincial Disater Risk Reduction Management Council ang pagpaidalom sa probinsya sa state of calamity.
Suno kay Vice Governor Jeffrey Ferrer nagakasayuran nga sarang na magamit ang calamity fund. Damlag pa ginsiling ni Negros Occidental Governor Eugenio Jose Lacson nga may 78 million pesos nga Quick Respond Fund ang probinsya. Ipa tuman man ang price freeze sa mga basic kag prime commodities.
As of 11 am sang December 13, sa report sang PDRRMC may 4,563 families ukon 15,715 ka individuals ang apektado sang paglupok sang bulkan gikan sa anum ka mga banwa kag siudad.
3,314 ukon 10,823 ka persona ang naga pabilin sa evacuation center sa report sang PDRRMO.
May 33,806 naman ka individuals sakop sang 6 kilometer radius ang ipaidalom sa forced evacuation. Suno kay Governor Eugenio Jose Lacson gina lauman sang probinsya ang bulig national. Damlag pa nag-abot sa probinsya si DSWD Sec Rex Gatchalian sa pag dul-ong sang bulig sa instruction man sang presidente nga personal nga bisitahon ang probinsya.