Isa man sa mga ginatutukan karon sang probinsya amo ang scholarship program sa patag sang Information Technology.
Suno kay Karen Dinsay ang pamuno sang Negros Occidental Scholarship Division, basta lamang may deserving nga estudyante nga luyag mag apply bukas ang programa sang probinsya sa ila. Sa karon, may 112 ka mga scholars ang probinsya sa Mapua Malayan Digital College. May 5.7 million pesos nga ginpain sa idalom sang administrasyon ni Governor Eugenio Jose Lacson para sa ila.
“We have 5.7 million for the scholarship program of MMDC because the governor believes that education as a social institution is a vehicle for employment and a tool for social mobility. He is spending like more than 150 million per year for the scholarship alone”, suno kay Dinsay.
Samtang, sa bahin naman sang eskwelahan sa tuyo nga mabuligan man ang tanan nga sahi sang estudyante, ang Step Up sa Pangarap movement sini naga haylo sa mga working students nga magpaninguha agudto malambot sini ang ila nga professional kag personal goals. Kaupod ang mga partners sini may yara sang exclusive work and study program nga maga hatag sang part time job kadungan sang part time study opportunities suno kay Jenny Chua ang Vice President for Marketing sang MMDC.
“We understand your struggles and your challenges and we want to solve problems for you. That’s why the MMDC model is a very convenient and flexible model for every individual who wants to study, want to get their college degree and work at the same time. Another access solution that we have put in place is a partnership with GCash through their GGives student loan program”, suno kay Chua.