Shadow

NBI naga usisa sa alegasyon sang isa ka beauty queen nga ginbutang ang iya hitsura sa porn video

YouTube player

18 anyos nga babaye ang nag padangat sang reklamo sa National Bureau of Investigation kahapon. Ini may angut sa gina alegar pag lapta sang binastos nga video. Ginsiling sang tagreklamo nga gin-edit ang guya sang babaye sa amo nga video kag gingamit ang iya nga hitsura.

Suno kay NBI Bacolod Chief, Atty Renoir Baldovino, kaupod sang 18 anyos ang iya nga ginikanan padulong sa talatapan sang NBI. Naglapta ang video nga naga pakita sang nakahublas nga babaye kaupod ang duha ka mga lalaki kag sila ang naga pakigbahin sa pag pakighilawas ukon isa ka sexual act.

Suno kay Baldovino gina lantaw nila nga ang pag lapta sang amo nga video paagi sa pag pasa-pasa na sa mga group chat. Identity theft may angut man sa pagsupak sa Anti Photo and Video Voyeurism Act ang ginatutukan sa karon sang nbi. Ipatuhoy nila sa Cybercrime Division sang NBI ang reklamo.

Diri mapat-od ang ginasiling pag edit sang video. Tutukan man sa gihapon ang pagsupak sa Anti-Photo and Video Voyeurism Act, bangud bisan pa isiling nga may pagtugot ang mga natungdan sa video nga kuhaan sila sang recording, pero wala ini sang pahanugot nga i-share ukon ibaligya may criminal liability sa gihapon ang nagpalapta ukon naghatag sang amo nga video ukon litrato.

“Edited daw yung lumalabas na video. Ginamit lang daw ang mukha niya. Ang tinitingnan naming dito may identity theft. And then of course, i-rerelate pa rin namin sa Anti Voyeurism Law. Kasi walang consent, lumabas yung malalaswang video na yan. Na walang consent ng sino man yung victim na andyan”, suno kay Baldovino.

Ang 18 anyos nga isa ka beauty queen ang naga promote sang mga produkto sa social media. Gani gina lantaw man nga isa ka motibo amo nga posible may naga tuyo nga mag guba sa iya. Ang pag pat-od sa ginasiling identity theft kag kun sin-o ang responsable sini kasubong man ang yara sa likod sang pag palapta sang amo nga video ang gina tutukan nila karon.

Secured By miniOrangeSecured By miniOrange