Ang mga engkwentro sa tunga sang tropa sang militar kag remnants sang rebeldeng New People’s Army sini lamang nga mga semana ang indi maka apekto sa May Elections.
Ini suno kay COMELEC Regional Director, Atty Lionel Marco Castillano.
Sang Marso 18 nag engkwentrohanay sa Sitio Bairan sa General Luna sa Toboso ang tropa sang 79th IB kag NPA kun sa diin tatlo ka mga soldado ang nagkalasamaran.
Isa ka semana antes sini, may separado man nga engkwentrohanay ang nagluntad sa tropa sang gobyerno kag NPA sa Brgy. Caduhaan sa Cadiz City kun sa diin duha ka mga top leaders sang Komiteng Rehiyonal Negros/Cebu/Bohol/Siquijor ang nagkalamatay.
Paathag ni Castillano ang mga pagbayluhanay sang lupok ang government initiated bilang kabahin sang ila nga pag pabaskog pa gid sang ila nga focused military operations kontra sa rebelde. Wala naman sang may ginahilabtan nga kandidato ang NPA suno sa iya ukon mga botante.
“Wala namang pinatay na kandidato o kaya mga botante natin. Kaya naman nag kaka encounter kasi hinahanap ng Army. Government initiated yan. Hindi tulad ng dati na nag aabot-abot na lang sila”, suno kay Castillano.
Samtang, suno kay Castillano, ginahulat pa nila ang approval sang COMELEC en banc sa ila ginpadala nga recommendation bahin sa areas of concern. Nga naga lakip sang Candoni sa Negros Occidental kag Basay sa Negros Oriental sa orange category ukon areas of immediate concern kag ang nabilin nga mga lugar sa Negros Oriental sa yellow category. Ang Guihulngan kag La Libertad damlag pa ang na tag na bilang areas sa red category.