Wala gintugutan sang korte sang Timor-Leste ang extradition request sang Pilipinas ukon ang pagpadala balik sa Pilipinas kay anay Negros Oriental 3rd District Representative Arnolfo “Arnie” Teves Jr. nga nagapangatubang sang multiple murder charges.
Ini ang ginpahayag sang Department of Justice. Dismayado sila panibag-o nga desisyon sang korte sa Timor-Leste matapos nga makaduha na ka beses nga nag grant sa request.
Una nga gin-grant sang korte ang extradition kay Teves sang June 2024 pero nag apela ang kampo ni Teves. Sang December 2024 naman, gin-grant liwat sang korte ang extradition request sang Pilipinas apang gin-apela liwat sang kampo ni Teves ang ruling. Si Teves ang nagapangatubang sang kaso nga murder may angut sa pagpatay kay Negros Oriental Governor Roel Degamo kag siyam pa ka mga indibidwal sang March 2023.
Ginkabig man siya nga terorista sang Anti-Terrorism Council bangud sang ginaalagar pagpamatay sa Negros Oriental.
Sa isa ka Facebook post nagpabutyag sang pagka dismaya ang ti-ayon ni Degamo nga si mayor Janice Degamo sa desisyon sang korte kag naga duda kun bala may korapsyon nga nagakatabo.