May nakita una nga dugo ang mga tapasero sa dalan sa higad sang kampo sa Hacienda Angelina 1, Barangay 12 sa Victorias City, mga las 11:30 sang aga, Martes, Oktubre 6.
Sang ila gin-usoy ang kampo, mga lima ka metros, didto kag ila nasapwan ang nagahapa nga bangkay sang lalaki. May pilas ini sa ulo.
Nanugid ang tapasero sa iya kabo, nga amo ang nag-report sang insidente sa pulis.
Kagab-i, positibo nga ginkilala sang iya pamilya ang biktima nga amo si alyas “Bonbon”, 34-anyos, taga Purok Bolinao sa Brgy. 1, Bacolod City.
Sa record sang PNP, naka-agi priso ang biktima sa kaso nga theft.
[sibwp_form id=1]