Ang National Police Commission kag Department of Education sa Negros Island Region ang nagsapol sa tuyo nga makaporma sang isa ka unified strategy sa school safety, security kag campus crisis management.
Suno kay DepEd NIR spokesperson Almyr Caezar Dequiña, gintiglawas ni Regional Director Atty. Owen de Luna ang NAPOLCOM kun sa diin upod ang mga PNP officials ila gintalakay upod sa DepEd sa Regional Management Committee meeting sang nagligad nga semana ang school safety measures.
Bilang sabat, ginmando ni DepEd Regional Director Ramir Uytico, ang pag handa sang comprehensive School Crisis Management initiative.
Ang directive suno sa DepEd naga task sa mga education officials nga mag audit sang campus readiness kasubong man pag identify sang security gaps nga maga serbe guide para sa long-term police kag stakeholder nga mga intervention.
Suno kay Atty. de Luna ang pag pangapin sa school community ang labing importante. Kag ang tuyo naman amo nga mapabakod ang prevention kag mitigation.
Isa sa iya nga ginduso ang unified campus protocols, isa ka QR code-based incident reporting system, kag regular inspection kag monitoring.
Nalakip sa luyag ma address ang physical kag digital threats.
Gin talakay naman ni Police Lieutenant Colonel Robert Agda ang “SAFE NIR” initiative. Ini para mapadasig ang emergency response time paagi sa Dial 911 system.
Gintalakay man ang cyberbullying kag online child exploitation, lakip na ang pag pangapin sa digital evidence.
“There was a portion sa aton regional mancom wherein naga provide kita sang kahigayunan sa aton NAPOLCOM and Philippine National Police para maka discuss sang ways and basically map out plans para mga strengthen naton ang school safety”, suno kay Dequiña.
[sibwp_form id=1]