11 tanan ka mga balay ang nahalitan sang kandila nga ginsindihan sa altar sang Nobyembre 1.
Ginlamon sang kalayo ang 10 ka mga balay sa nagluntad nga sunog sa Purok 6, Mississipi St., Brgy. 1 siudad sang Kabankalan pasado las 3 sang hapon sang Nobyembre 1.
Walo ka mga balay ang totally destroyed samtang ang duha ka mga balay ang partially damaged.
Suno sa kay Fire Officer 3 John Derick Villaruz ang Chief Investigator sang Bureau of Fire Protection – Kabankalan City, ginbayaan nga kandila sa altar ang nangin ugat sang sunog.
Dugang pa ni Villaruz, nagdangat sa 75,000 pesos ang kahalitan nga gintuga sang sunog kag ginapatihan nga may isa ka 67 anyos nga babaye ang pilason matapos makaagum sang first degree burns.
Nagapadayon man sa karon ang imbestigasyon sang mga otoridad sa nasambit nga sunog. Kandila man nga ginbutang sa altar kag natumba ang ginhalinan sang sunog nga nagluntad sang November 1 sang hapon sa Purok Mabinuligon, Brgy. 30, siudad sang Bacolod.
Sa imbestigasyon sang Bueau of Fire Protection sang Bacolod, napabay-an nga kandila sa altar nga gin sindihan sang 81 anyos nga si Celia Bayling, ang ginhalinan sang kalayo.
Suno tagbalay, nagbutang ini sang nakasindi nga kandila sa altar apang nakibot siya nga matapos ang halos pila pa lang ka minutos, nagluntad na ang sunog.
Ang balay naga-serbe man nga boarding house sa diin may lima ini ka boarder apang wala ang mga ini sang nagluntad ang sunog.
Wala sang may nasamaran sa amo nga insidente.