Shadow

Anay La Castellana mayor Elumba nagtaliwan sa edad nga 68

Anay La Castellana mayor Enrico Elumba ang nagtaliwan matapos nga ma cardiac arrest.

Suno sa iya hinablos nga si Fernando “Nonoy” Elumba nag reklamo sang chest pains si Dr Elumba lunes sang gab-i.

Gikan sa La Castellana padulong sa Bacolod para mag pa admit kuntani sa ospital, suno sa iya hinablos gin cardiac arrest ang anay alkalde.

Nagserbe sang tatlo ka termino humalin 1998 tubtob 2007, bilang alkalde sang La Castellana si Elumba kun sa diin ang banwa ang nangin hall of famer sa regional level sa clean and green program.

Suno kay Efren Gerardino nga nag serbe sadto nga on call technical assistant ni anay mayor Elumba, sang tion sini napahamtang ang waste management system sang banwa.

Sa Facebook sang alkalde, makit-an ang pagpasalamat sa kay Dr Elumba indi lamang sa iya nga pagpangalagad bilang alkalde sadto kundi pati man sa iya nga bulig kag pag atipan sa ila bilang duktor.

Sa post ni Gerardino iya gin siling nga maka duha sya ka beses nga nabuligan sang duktor gikan sa near fatal illness. May apat ka mga kabataan si Dr Elumba.

Ika pito naman siya sa walo ka mag utod. Kilala siya bilang Ekoy sa iya nga mga abyan kag pamilya.

Ang mga suod nga abyan, himata kag constituents sang 68 anyos nga anay alkalde ang nagdumdom sang iya nga kaayo.

Secured By miniOrangeSecured By miniOrange