Nagdangat na sa 1,041 ang kaso sang dengue sa Bacolod City sini nga tuig. Ini ang 16.67 percent nga mas mataas kun ikumpara sa amo man nga period sang tinalikdan nga tuig.
Sa datus sang Bacolod City Health Office may anum na nga napatay bangud sa amo nga masakit nga dala sang lamok, kalabanan diri mga kabataan nga nagdangat sa 775 cases.
Na-record sang Barangay Mansilingan ang 121 ka kaso sang dengue kag duha diri ang napatay, ginsundan naman ini sang Handumanan nga may 84 cases kag one death, kag Estefania nga may 83 cases.
Samtang may 21 percent naman nga pagsaka sa kaso sang leptospirosis suno sa CHO.
May 35 naman ka mga persona sa Bacolod ang na record nga naka kuha sang amo nga masakit nga masami makuha sa pag ubog sa baha nga kontaminado sang higko sang ilaga. Anum na ang napatay sa sini nga balatian sini nga tuig.
May pinakamadamo nga kaso amo ang Barangay Vista Alegre, Tangub, kag Barangay 35.
[sibwp_form id=1]