Kahalitan sa pananum sa Negros Occidental bangud sang moisture stress dala sang dry condition ang nagdangat sa P41.9 million. Dugang nga cloudseeding operation ginhinyo na sang gobernador.
As of October 23, sa report sang Office of the Provincial Agriculturist, P38.2 million ang kahalitan sa mga humayan, P3.7 million naman sa kamaisan.
Ini gikan sa mga talamnan sa San Carlos City, Toboso, Don Salvador Benedicto, Calatrava, Cadiz City, Sagay City, Moises Padilla, Hinigaran, La Castellana, Isabela, Cauayan, Ilog kag Kabankalan City.
Ginsiling ni Engr Albert Barrogo ang Regional Director sang Department of Agriculture, ang pag ulan-ulan sa nag ligad nga semana ang nakabulig sa mga pananum magluwas na lamang sa yadtong mga na-igo gid sang dry condition kag wala na sang tsyansa sang recovery.
May pending nga request para sa pag patigayon sang cloudseeding operation pero ang pondo nga gamiton para diri suno kay Barrogo ang daku nga pag panghangkat.
P30 million ang gina kinahanglan para na sa cloudseeding nga ang target kuntani masugdan sa Disyembre bangud sa ini na nga tion nga ang mga humayan ang labing naga kinahanglan sang tubig.
Ang P30 million proposed budget para na sa mga cloudseeding operation tubtob sa bulan sang Abril ukon ang gina project tion nga magalawig ang El Niño phenonmenon.
“Dapat maka resume kami cloudseeding sa month of December. Amo na ang gina target namon. It’s not really maka save sang tanom, kay kun lantawon naton, ang December, kun nag tanom ang rice farmers naton, sa month of December ga busong na na ang humay. Dira gid nila kinahanglanon sang tubig. Rice pa lang na alone. And then sa other pa gid na crops, sa high value crops naton, December man ang pinaka critical period nila kinahanglanon nila sang tubig. Wala kita problema sa mga irrigated areas naton. It was confirmed ya sang NIA nga ma irigahan nila ya ang target nila nga area,” suno kay Barrogo.
[sibwp_form id=1]