May bulos-bulos na naman nga mga brownout nga ginapatuman bangud sang kulang nga power supply sa Visayas grid.
Sa updated nga advisory gikan sa National Grid Corporation of the Philippines ukon NGCP, yara sa Red Alert ang Visayas Grid humalin las singko tubtob las siyete karon sa gab-i.
Buot silingon kulang ang power supply sa bilog nga Visayas sa sini nga mga inoras gani ang mga electric cooperative kag company nagpatuman sang manual load shedding ukon ang bulos bulos nga brownouts bangud sini.
Yellow Alert naman ang Visayas Grid 3pm-5pm kag 7pm-9pm.
Nagakaigo lang ang power supply sa gina kinahanglan kag engkaso nga magsaka gulpi ang demand, indi na ini masarangan pa sang mga planta.
Yara lang sa 2,283MW ang available capacity sang mga planta pero ang peak demand naglab-ot sa 2,435MW.
9 ka mga planta ang sa karon wala naga andar as of October, 2 humalin pa sang September, 2 ka planta humalin pa sang August, kag madamo sang iban pa nga malawig lawig na nga wala naga andar.
Gin anunsyo naman sang Negros Power nga bangud sa manual load dropping, 14 ka mga feeders ang ipasunod dulaan anay sang supply sang kuryente para mapaigo kun ano lang ang available.
[sibwp_form id=1]