Nadugangan sang isa pa gid ka building ang gina kabig unsafe sa sa Gil Montilla National High School sa Sipalay City kasunod sang pag tay-og sadtong Martes.
Anum na sa karon ang gina kabig unsafe.
Ini suno kay Sipalay Disaster Risk Reduction Management coordinator, Dionilo Bogtae nga nagsiling man nga nahinyo na ang bulig sang Department of Public Works and Highways para mag pagtigayon sang structural integrity validation sa mga natungdan nga building.
Sa Department of Education – Schools Division of Sipalay nga report naka saad nga matapos mag igo ang 6.9 magnitude nga linog sadtong Setyembre 30, apat ka mga building sa amo nga eskwelahan ang gin abiso nga ipaiway ang pag gamit.
Sang October 7 naman sang mag igo ang 5.1 magnitude nga linog sa Sipalay, ini ang nag resulta sa dugang nga mga crack kasubong man pag daku sang daan nga nga mga crack sa mga building.
Kasunod sang validation kag assessment gin abiso nga temporaryo ipa untat ang pag gamit sang mga buildings sa Gil Montilla NHS – Main until further notice.
Nakasaad sa report nga structurally stable man ang building base sa inspection pero unsafe pa para sa mga estudyante kag manunudlo bangud ang cracks kag damages ang naga damo kada may pag tay-og kag indi man mapat-od kun san-o may matabo nga linog.