Kongreso ang gina paabot maga allocate sang P2.4 billion para sa sugar industry sa 2026 national budget.
Ini ang ginpahayag ni Agriculture Secretary Francisco Tiu Laurel Jr. sang Miyerkules, Obtubre 8.
Sa Senate Committee on Finance Subcommittee J hearing,
Ginsiling ni Laurel nga ang Department of Budget and Management nag allocate sang P1 billion para sa industriya sa National Expenditure Program para sa 2026 kag ang Lower House ang nag approve sang dugang nga P1.4 billion.
Kun ma aprobahan sang senado, mahatagan sang P2.4 billion sa 2026 ang sugar industry.
Iya man ginpahayag sa mga senador nga ang Sugarcane Industry Development Act of 2015 kinahanglan sang amendments para mas mangin flexible ang pag gamit sang pondo nga gin aprobahan sang kongreso para mas mapaayo ang productivity sang sugar industry.
Si Administrator Pablo Luis Azcona sang Sugar Regulatory Administration ang nag suggest naman nga ang annual SIDA allocation para sa sugar industry pasakaan gikan sa P2 billion sa P5 billion.
Pila sa kinahanglananon suno sa iya amo nga ma modernize ang mga sentral kasubong man ang farm mechanization.
Si Senator Joseph Victor Ejercito, isa sa mga authors sang SIDA sang 2015, ang nagapangayo sang recommended amendments sa Department of Agriculture kag SRA para ini ang ma aktuhan.
Samtang ginsiling ni Azcona nga wala sang plano sa sugar importation sa karon.
Suno kay Azcona ginkasugtan na nila ni Sec Laurel nga wala sang sugar importation talks tubtob sa Mayo ukon sa Hunyo sang 2026, kun sa diin may yara na sila sang pat-od nga kadamuon sang production.