2,000 ka atleta kag coaches gikan sa 35 ka mga eskwelahan sa nagkalain lain nga bahin sang pungsod ang gina paabot sa probinsya para sa University Games sa katapusan nga semana sang Oktubre.
Ang probinsya sang Negros Occidental ang host para sa 26th Unigames nga paga hiwaton sa October 24 to 30.
Suno kay Roger Banzuela ang presidente sang Unigames may yara sang siyam ka mga sporting events ang ginapaabot kag ini ang naga lakip sang athletics, badminton, basketball, beach kag indoor volleyball, futsal, football, table tennis kag taekwondo.
Pila sa mga venues ang naga lakip sang Panaad Park and Stadium kag Silay City Gym. 1,770 ka atleta kag 279 ka mga coach ang gina paabot.
Si Bro Rolly Dizon nga presidente sang University of St La Salle sadto ang nag sugod sang Unigames sang 1996 upod si Banzuela nga naga serbe sports coordinator man sadto.
Suno kay Governor Eugenio Jose Lacson nga isa man ka La Salista kag atleta, ginbaton sang probinsya ang pag host matapos nga gintanyag ini.
Naga panawagan ang gobernador sa publiko nga suportahan ang Unigames. Padayon man siya nga naga haylo sa mga pamatan-on nga mag pakibahin sa sports.
1995 sang ulihi ginhiwat ang Unigames sa Bacolod.