Nasunog ang isa ka motorsiklo sa Barangay Mansilingan sa Bacolod Biyernes sang aga.
Gikan ang rider nga si John Mata sa Brgy Minoyan sa Murcia kag pakadto sa Brgy Taculing kun sa diin siya naga trabaho.
Paglab-ot sa Brgy Mansilingan sa Bacolod hinali na lang nag daba-daba ang motor.
Sa record sang Bureau of Fire Protection-Bacolod, nagdangat sa ₱3,000 ang balor sang kahalitan sa motor.
Wala naman masamaran ang rider. Nakahingagaw siya panaog sang mabatyagan nga naga init na ini.
Padayon ang imbestigasyon sang BFP-Bacolod kun ano ang ginhalinan sang kalayo.