Shadow

Miyembro sang ginapatihan NPA, patay sa enkwentro

3ID photo

Patay ang isa ka wala pa makilal-an nga persona nga gina patihan katapo sang New People’s Army sa nag luntad nga enkwentro sang lunes sa tunga sang tropa sang 62nd Infantry Battalion kag mga rebelde sa Barangay Bagtic, La Libertad sa Negros Oriental.

Suno kay Major Cenon Pancito, spokesperson sang 3rd Infantry Division, nag responde lang ang tropa sa gin report sang mga residente nga presensya sang mga rebelde sa Sitio Mabanga nga bahin sa Barangay.

Pag abot sang tropa didto nag bayluhanay sang lupok ang magkasumpong nga grupo.

Nasapwan na lang pag katapos sang enkwentro ang lawas sang wala pa makilal-an nga rebelde.

Na recover man sang army ang isa ka M16 rifle, M16 magazine, improvised explosive device, rifle grenade, kag iban pa nga mga dokumento kag kagamitan.

Tubtob karon wala pa makilal-an ang amo nga persona gani sila ang nakig angut na sa barangay kag sa pulis.

Leave a Reply

Your email address will not be published. Required fields are marked *

Secured By miniOrangeSecured By miniOrange