Shadow

Mistaken identity, iligal ng droga kag inaway pamilya ang pila sa mga anggulo nga gina lantaw sa pagpatay sa Filipino-Chinese businessman sa Bacolod

Wala gin finishing sang gunman ang negosyante nga si Jeffrey Keng Seng kun ibase sa statement sang witness nga naistorya sang PNP.

Suno sa hepe sang Bacolod Police Station 2 nga si Captain Vincent Paul Pendon gin lantaw lang sang suspek kun bala patay na ang biktima.

Kun ibase man kuno sa CCTV footage, isa lang ang nakita nga motorcycle rider nga nag palapit sa salakyan sang biktima.

Sa drivers seat siya nag tupad sang nag pondo ang SUV sang biktima sa may corner sang BS Aquino Drive kag Lacson Street.

Mistaken identity, iligal nga droga kag away sang pamilya ang gina lantaw nga mga anggulo sang pnp sa pagpatay sa sa kay keng Seng.

Dugang pa ni Pendon, posible nga nasal-an lang ang biktima , may naka hatag sang impormasyon sa PNP nga may kahilabtanan sa iligal nga droga ang napatay pero ang ini nga impormasyon ang usisaon pa sang pulis kun matuod gid man.

Naka pa blotter sa Station 3 sang 2019 ang amay sang biktima nga si John Sy kontra sa iya hinablos nga nakuha sang pila nila ka mga pagkabtang kag propedad parehos sang mga salakyan, gen set, tools kag iban pa nga mga bagay nga naga balor tanan sang 54 milyones pesos.

Pero wala sila naga untat sa sini nga mga anggulo. Padayon pa abe tubtob subong ang pag sinulod sang mga impormasyon tuhoy sa background sang biktima.

Las dose y medya sang kahapon sang gintiro ang biktima sa may sa may corner sang BS Aquino Drive kag Lacson Street.

Matapos matiruhan ang biktima naka maneho pa ini kag naka tabok sa Lacson Street padulong sa Police Station 2.

Sa unhan sang police station may bakante nga lote, didto nag rekta ang salakyan sang biktima.

May lima ka mga deformed cartridge cases sa crime scene pero sa inisyal nga imbestigasyon sang pulis may apat ka igo sang bala sa lawas ang biktima.

Secured By miniOrange