Tubtob karon wala sa gihapon makita ang ulo ni Joel Lacao-lacao alias “Karang”, 30-anyos sang Purok Tangke sa Barangay Poblacion 2 sa Sagay City.
Sang Domingo sang makita ang iya sini nga bangkay nga wala sang ulo sa sulod sang kampo sang tubo.
Suno sa chief investigator sang Sagay City Police Station, Police Master Sergeant Elmer Baloco, magluwas sa tatlo ka mag-utod nga lalaki, may dugang pa nga mga posible suspek ang ila ginalantaw sa pagpugot sa ulo sang biktima.
Suno kay Baloco, ang dugang mga persons of interest ang may labot man sa tatlo ka mag-utod nga lalaki.
Nahibaluan nga ang tatlo ka mag-utod ang una na nga napriso matapos nga ila ginkastigo ang biktima, 15 ka tuig na ang nakaligad.
Tubtob sa karon, padayon pa nga ginapangita sang kapulisan ang ulo sang biktima.