Nagapabilin sa morgue sang Corazon Locsin Montelibano Memorial Regional Hospital ang bangkay sang lalaki nga nasapwan kahapon sa dalan sa Hacienda Gonzaga, Brgy. Mansilingan sa Bacolod.
Suno sa hepe sang Police Station 7 nga si P/Cpt. Andy Ofalia wala gihapon may nagkilala sa biktima nga nasapwan kahapon sang aga nga may igo sang bala sa iya guya kag ulo.
Nagapati ang pulis nga posible didto mismo ginpatay ang biktima bangud sang madamo nga dugo nga nakita sa lugar kag posible man nga indi ini taga-Bacolod ang biktima bangud nga wala pa sang may nakapalapit sa police station agud kilalahon ang bangkay.
Ang biktima nagasuksok sang dark blue nga sweat shirt, black shorts kag puti nga tsinelas.
Suno sa mga residente sang lugar, ini ang ika tatlo na nga bangkay nga nasapwan sa ila nga lugar nga madulom kay wala sang suga ang mga poste.