May 45 ka kaso sang murder kag dose naman ka kaso angut sa pagkapatay bangud sang encounter ang na-file sang Commission on Human Rights – Negros Occidental sang 2023.
Suno kay Vincent Parra ang pamuno sang CHR – Negros Occidental, may pagsaka sa kadamuon sang death cases tuga sang encounter kun ipanggid sa record sang 2022 nga tatlo lamang.
Ang 45 ka murder cases nagalakip sang yadtong ginpamatay angut sa gina alegar iligal nga droga, kasubong man mga kaso sang pagpatay nga gin-ako sang New People’s Army.
Mas manubo ang na record nila sang 2023 kay sang 2022 may 64 ka murder cases ang ila tigayon nga na-file.
Magluwas sa sining mga kaso, may mga kaso man sila nga na-file angut sa enforcerd disappearance – 1, pagsupak sa right to liberty and security – 1, oral defamation – 1, paglapas sa RA 7610 ukon pag abuso sa mga kabataan, – 8, divestment of property – 1 kag internal displacement – 1.
Sang 2023 may 71 tanan ka kaso nga tigayon nila nga na-file angut sa paglapas sa mga tawhanon nga kinamatarung, mas manubo sa 81 ka kaso sang 2022.