Shadow

Mga wala nakabaton sang ayuda gikan sa presidente gindala sang Kadamay sa Mayor’s Office

Hinali na lang nga nagdagsa ang tawo kaina sang aga sa gwa sang Mayor’s Office sa Bacolod. 

Mga mangunguma sila kuno kag mga mangingisda gikan sa nagkalain-lain nga barangay sa Bacolod nga wala maka baton sang ayuda gikan sa presidente. 

Suno kay Berlita Ante ang pamuno sang grupo nga Kadamay, wala masapakan sa ila nga mga barangay ang ini nga mga persona gani iya ginpakamaayo nga dal-on sila sa kay Mayor Albee Benitez.

Isa na diri sa ila si Carlo Mendoza nga naga siling nga isa siya ka mangingisda kag katapo sang grupo nga PAMALAKAYA.

Ginpang tagaan sila sang mga pormas sang staff sang alkalde kag ginpa submit sa natungdan nga ahensya kag ini ang iga verify pa sang Barangay kag DSWD.

Sang Hunyo may mga mangunguma kag fisherfolks ang nagbaton sang 10,000 pesos nga ayuda gikan sa presidente matapos mahalitan sang El Nino Phenomenon. 

Masobra sa 8,000 ang benepisyaryo sa Negros Occidental kag Bacolod City.

Matapos ang amo presidential visit, sunod-sunod na ang pagkadto sang mga naga siling nga mga mangunguma man kag mangingisda sa talatapan sang alkalde para magpalista man para mangin benepisyaryo.

Secured By miniOrangeSecured By miniOrange