Masobra sa 10 ka mga vendors sa gwa sang Negros Occidental National High School ang ginpahalin sang Bacolod City Legal Office bangud nagabalabag ini sila sa sidewalk.
Ginsiling ni Levy Pangue, pamuno sang CLO Enforcement Team, ila gina-tutukan sa karon nga mapahalin ang mga vendors nga nagabalabag sa mga gina-agyan sang mga estudyante.
Dugang niya, halos wala na sang agyan ang mga estudyante sa NOHS bangud madamo na sang food vendors ang nagaplastar sa sidewalks.
Ang mga pulungkuan sa gwa sang eskwelahan nga para kuntani sa mga estudyante kag ginikanan, ang ginapamutangan naman sang mga vendors sang ila baligya.
Suno kay Pangue, amo man sini ang sitwasyon sa Rizal Elementary School kag ETCS.
Ginatutukan na sang CLO nga ma-clear ang tanan nga obstruction sa palibot sang mga eskwelahan sa siudad, ilabi na sa mga gina-agyan sang mga estudyante agud mapalayo sila sa disgrasya.*
[sibwp_form id=1]