Shadow

Kaso sang dengue ginapaabot nga magasaka sini nga 2025

Gina paabot naman gid sang Provincial Health Office nga maga saka ang dengue cases sini nga 2025, pero tunga-tunga pa lamang sang 2024, nag sugod na saka ang kaso.

Paathag ni Dr Girlie Pinongan, ang Provincial Health Officer, sa cycle sang dengue, sa kada tatlo ka tuig nagasaka ang kaso sang dengue. Kag sini nga 2025 ang ikatlo nga tuig.

As of January 18, 296 percent na ang pagsaka sa kaso kag may duha ka dengue related deaths. Gina tutukan sa karon sang PHO ang kampanya sa tanan nga LGU para sa matinlo nga palibot.

Ang Bago gani suno sa iya nga may pinaka madamo nga kaso sang dengue ang naglunsar na sang Clean and Green program. Indi man dapat magkumpiansa suno kay Pinongan.

Ang duha ka suspected dengue deaths ang gikan man gani sa mga lugar nga wala nalakip sa top ten sang may pinaka madamo nga kaso sang dengue, kag ini sila mga adults pa. Dapat gilayon mag pa konsulta suno sa iya labi na kun nakitaan sang sintoma kaangay sang pag hilanat kag rashes.

Secured By miniOrangeSecured By miniOrange