Shadow

Mga tul-an sang tawo nga nakita sa ibabaw sang pantyon, ginbulad lang antes himuson kay narusdak ang ginhalinan sini nga pantyon

May lapida sa kilid kag kompleto pa ang mga tul-an sa sulod sang barong, delargo kag medyas ni Leodoro Esponilla samtang gina bulad sa ibabaw man sang katupad lang nga mga pantyon sa Bacolod City Public Cemetery.

Gin bulad ini sang isa sa mga naga remedyo heneral sa patyo nga si Chow-chow Tikarte sang kahapon matapos matalupangdan nga narusdak ang lima ka panalgan nga pantyon.

Ang bangkay ni Esponilla ang yara sa 5th floor gani gin una ini ni Tikarte.

Kaina ginpahimos ini sa iya sang caretaker sang public cemetery nga si Ricardo Repogio matapos nga may nga report nga nasapwan ang mga tul-an sa ibabaw sang pantyon.

Paathag ni Repogio, indi malikawan nga may mga pantyon nga nagaka rusdak kag ang gina himo nila,
Ipahimos ang mga tul-an, isulod sa sako kag hulaton anay ang pamilya nga maka palapit antes sayluhon.

Si Esponillo ang gin bun-ag sang Nobyembre 5, 1969 kag gin lubong man sa iya nga kaadlawan sang 2016.

Leave a Reply

Your email address will not be published. Required fields are marked *

Secured By miniOrangeSecured By miniOrange