Shadow

Bacolod City kag Negros Oriental ginpaidalom sa Alert Level 4

Sumugod November 1-14, 2021 ipaidalom sa Alert Level 4 ang Bacolod City kag probinsya sang Negros Oriental. Ini ang gin anunsyo ni Presidential Spokesperson Harry Roque.

sa Idalom sang Alert Level 4 nga guidelines sang National Inter Agency Task Force, Al Fresco Dining ang dapat yara lang sa 30%capacity. Ang indoor dining naman yara lang sa 10% capacity pero dapat fully vaccinated customers lang.

Ang mga personal care services parehos sang barber shop kag beauty salon ang yara sa 30% capacity kun outdoors kag 10% capacity naman sa indoor kag dapat fully vaccinated lang nga customers.

Amo man sa religious activities, 30% capcity sa outdoor kag 10% lang sa outdoor capacity pero dapat fully vaccinated lang nga ang maga tambong.

Ang mga menor de edad kag ang naga edad sang masobra sa 65 anyos ang gina dumilian man sa pag gwa.

Ang Negros Occidental naman nga may 3,247 active cases ang karon napaidalom sa alert level 2.

2,542 karon ang active cases sa Negros Oriental samtang 1,672 naman sa Bacolod.

Nagapabilin sa moderate risk ang Bacolod suno kay Emergency Operations Center executive director Em Ang. Iya man ginapaabot nga magapanaug ang alert level status sang siudad karon nga naganubo naman ang kaso sang Covid-19 cases kag sang nagasaka nga kadamuon sang naka-recover sa balatian.

Leave a Reply

Your email address will not be published. Required fields are marked *

Secured By miniOrangeSecured By miniOrange