Shadow

Mga tropa gin-deploy na para sa BSKE; PNP, Army red alert tubtob na sa Pista Minatay

Ceremonial send-off sa mga tropa para sa Barangay kag SK ELections ang ginpatuman.

Militar kag PNP ang naka red alert para sa piniliay kag ini ang tubtob na sa Pista Minatay.

Suno kay Brigadier General Orlando Edralin, commander sang 303rd Brigade sang Philippine Army, may masobra sa 2,000 ang tropa sang militar, pero ang deployment ang na bahin-bahin. Kahapon ginpatuman ang send-off pero may mga tropa naman suno sa iya nga naka standby.

Sumugod kahapon naka red alert na ang militar kag ini tubtob Nobyembre 4. suno kay Edralin wala pa sila sang may na monitor nga pag patuman sang permit to win gikan sa rebeldeng NPA pero ini ang ila gina paabot. Upod naman diri ang pahanumdom sa mga kandidato nga indi magsugot bangud ini pagsupak sa layi.

Kasubong ini nga vote selling ukon vote buying kag paghatag sa terorista. 2,170 naman ka pulis ang gin-deploy para sa eleksyon. Wala pa man sa karon suno kay Provincial Director, Col Leo Pamittan sang na record election related violence sa probinsya. Humalin pa October 19 kag tubtob November 3 ang full alert status sang PNP.

Secured By miniOrangeSecured By miniOrange