Nagpadulong na sa National Bureau of Investigation ang tag-iya sang mga establisimiento nga gin rentahan sang mga naga pataya sang iligal nga STL sa banwa sang Binalbagan kag siudad sang Sipalay.
Suno kay Abner Cañal ang tag-iya sang kwarto nga ginrentahan sa Binalbagan, nag transaksyon sa iya ang isa nga ginkilala lamang nga Liezel gikan sa Escalante City.
Ang tatlo naman nga gin kilala bilang Cookie, Nonoy kag Val amo ang nag renta sang lugar sa tig 100 pesos kada isa sa ila sa kada adlaw.
Pero kay ang ila nga kutiho suno kay Canal wala sang tatak sang PCSO, nagduda siya rason nga iya sila nga gin pauntat renta.
Agosto 9 ginpahalin niya sila matapos ang apat ka adlaw nga renta.
Agosto 10 nag-raid kuntani ang NBI pero wala na ang mga subject. Nagpasalig naman sang kooperasyon si Cañal.
“(Si Liezel from Escalante wala may gina tudlo nga may branch?) wala kay wala man ko nag interest, kay ang akon ya livelihood. May clarificatory questioning si sir (NBI) sa akon kay daku man liability ko as owner”, suno kay Cañal.
Nagpadulong man sa NBI ang tag-iya sang lugar sa Sipalay.
Suno kay NBI Chief, Renoir Baldovino, tuyo nila nga pasakaan kaso ang mga tag-iya.
Pareho sila nga ginatudlo nga grupo nga gina siling yara sa likod sang amo nga iligal nga panahor suno sa NBI.
“May sinasabi silang group. May group of persons na involved dito sa illegal operations”, suno kay Baldovino.
Sa karon padayon pa ang pag pat-od sang financier kag operator sang iligal nga pag pataya sang STL.
Lain naman nga grupo ang yara sa likod sa operation sa oultet sa Libertad Market sa Bacolod.