Indi lang mga twerka kag solar lights sa Bacolod Negros Occidental Economic Highway ang punterya sang mga kawatan.
Pati mga motorista ang nakatalupangud naman sang madulom nga flyover sa dalan Magsaysay sa Barangay Singcang-Airport tuga sang kakulang sang mga suga. Ginsiling ni DPWH-District Engineer Leah Jamero nga sa ila inisyal nga pagpang-usisa, ginpangkawat ang pila ka mga floodlights sa idalom sang flyover.
Tinguhaan sang DPWH nga temporary nga mailisan ang mga suga agud mapaiway ang pagluntad sang disgrasya sa alagyan. Ginapaabot man nila ang suporta sang kapulisan kag bulig sang mga motorista agud bisan paano mabantayan ang mga government projects.