Shadow

Patay nga dolphin nasampay sa higad sang baybay sang Sibulan, NegOr

Nasapwan na lang sang mga residente sang Purok Kampaklan sa Barangay Población sa Sibulan, Negros Oriental nga patay kag naga panimaho na ang isa ka dolphin kaina sang aga sa higad sang baybay.

High tide sang kagab-i amo kun ngaa nakalab-ot na ang lawas sang patay nga dolphin sa higad sang baybay.

Gina bulubanta naga bug-at ini sang 80 kilos kag naga laba sang masobra sa 2 meters.
Bloated na ang dolphin sang masapwan.

Gilayon ini nga ginpalubong. Ginpahibalo naman sang residente ang natungdan nga ahensya sang gobyerno parte sa insidente para mausisa kun ano ang ginkamatay sang dolphin.

Secured By miniOrangeSecured By miniOrange