Mga senior citizen nga market vendors kabahin sa tagaan prayoridad sa raffle sang mga stalls sa Libertad Market sa Biernes.
May masobra pa sa isa ka gatus nga manugbaligya, kabahin diri mga senior citizen sa Libertad Market nga napaslawan nga makaangkon sang pwesto sa Annex Building sang merkado.
Suno kay City Legal Officer, Romeo Carlos Ting, Jr., kabahin sila sa tagaan prayoridad sa liwat nga pag raffle para sa 35 ka mga nabilin nga stalls sa merkado sa Biernes.
Gina-usisa naman karon sang Local Market Committee ang nabakante nga stall sa fish section sang Libertad Market nga sarang itugyan sa mga market vendors nga wala man magabutan sa raffle.
Ginadihon naman ang pagpatigayon sang night market sa dalan Amelia kag Mercedes nga yara lang sa kilid sang merkado.
Sa tion nga ma-award kag maka pwesto na ang mga vendors sa merkado, magapatuman sang clearing operation ang City Legal Office Enforcement team agud mapasiguro nga wala sang magaladlad sang baligya sa kilid dalan.