1849 ang active cases sang negros occidental sandig sa April 14 nga report sang Provincial Incident Management Team.
Nalapawan na ang pinaka mataas nga record sang active case sang Negros Occidental sang 2020 nga nagdangat sadto sa 1683.
Ang sitwasyon suno kay Gobernador Eugenio Jose Lacson, mas kabalak an kun ipaanggid sa nagligad nga tuig. Kalabanan sa kaso subong local transmission.
Wala labot sa curfew nga ginapatuman kag hugot nga pagbantay sa mga pagttililipon, suno kay Lacson gin recommend sang provincial tourism officer ang temporaryo nga pag sira sang mga resort sa mga lugar nga may yara sang three digit ukon masobra sa isa ka gatos ang kadamuon sang active COVID-19 cases.
Damlag pa ginduso ang duha ka semana nga pagsira. Suno sa gobernador iya na gin abisuhan si tourism officer Jennylind Cordero nga mag pakig angut sa mga LGU nga natungdan kag mga tourism officers. Magapabilin naman nga bukas ang resorts sa mga lugar kag banwa nga may manubo nga kaso sang COVID-19 pero 50 porsiento lamang sang accommodation ukon mga cottages ang pwede nga mabaton.
Gina dayaw naman ni Lacson ang Sipalay City nga bisan manubo ang kaso sang COVID_19 naghugot sang tikang kasubong sang indi anay pagtugot sa pagsulod sang mga turista kag pagpatuman sang tourism related activities sumugod Abril 16.
May pito sa karon ka mga LGU nga 3-digit ang actives cases – ang San Carlos City, Bago City, Himamaylan City, Cadiz City, Kabankalan cCty, Murcia kag Cauayan.