Wala na sang may naga tenir nga Covid positive sa mga quarantine facility sang probinsya.
Suno kay provincial administrator Rayfrando Diaz, wala na sang may naga tenir sa healing facility sa EB Magalona, Silay city kag sa Cadiz nga Covid positive.
Ang mga naga tenir sa Cadiz city healing facility ang mga transient, mga authorized person outside residence nga nag boluntaryo pa isolate. Bente na man lamang ang yara sa Cadiz District Hospital nga amo ang nabilin nga Covid center.
Sa 20, 13 ang kumpirmado nga kaso sang Covid kag pito naman ang suspected Covid 19 cases.
Padayon karon ang pagnubo sang kaso sang Covid-19 sa Negros Occidental kag sa datus sang Provincial Incident Management Team as of December 12, 296 ang active Covid – 19 cases.