Shadow

Motorsiklo sang naga deliver sang pagkaon nagdaba-daba

Jerry Amagan photo

Nakuha pa kahapon nga mag live sa social media sang food delivery service rider samtang naga kasunog ang iya motorsiklo.

Suno sa rider nga si Jerry Amagan, iya ini gin himo agud may ebidensya siya nga nasunog gid man ang iya motor nga isa pa lang ka bulan niya nga gina gamit.

Suno kay Amagan, siya ang gikan sa isa mikltea shop sa BS Aquino Drive kag iya kun tani ini idul-ong sa customer sa Barangay Sum-ag.

Samtang iya gina contact ang customer siya ang nag pahandong kag dugay-dugay suno kay Amagan nag kalayo na ang iya motor.

Napatay pa niya ini paagi sa pag paspas sang iya bayo pero liwat nga nag kalayo ang dalom nga parte tubtob nga nasunog na ang bilog nga motor.

Mahimo na grounded suno kay Amagan ang iya motor amo kun ngaa nasunog.

Wala man masamaran ang rider sa pagkasunog sang iya nga motor.

Secured By miniOrangeSecured By miniOrange