10 percent discount ma-avail sang mga business applicants nga temprano pa magproseso sang permit sa Nobyembre 20 asta 22 sini nga tuig.
Ginsuguran na sang katapo sang Business Permits and Licensing Office ang pagbaton sang mga naga-proseso sang business permits sa Bacolod para sa maka-avail sang 10 percent discount.
Gin-athag ni Stela Rose Rayos nga ang advance processing kag ang pag-avail sang discount ang para lamang sa mga nagapa-renew sang permits nga may 2024 Mayor’s Permit.
Ginapaabot ang madasig nga processing sang permits bangud sang ginapatuman nga digitalization program sang siudad.
Magluwas sa Bacolod City Government Center, Government Service Express sa SM City Mall kag Bacolod Express Service Office sa Ayala Malls Capitol Central may satellite offices man ang BPLO nga gintalana para magbaton sang applications sa Gaisano City, Gaisano Grand kag 888 Mall asta Nobyembre 22.
Sa November 27 asta 30 naman magabukas ang ila temporary nga satellite offices sa City Mall – Mandalagan kag Goldenfields Branch kag Lopues East Center.