Kalawigon sang pagpatuman sang ban sa live domestic kag wild birds lakip na ang ila nga mga produkto ang luyag nga mapat-od sang mga negosyante kag iban pa gid nga stakeholders.
Sila ang nag sapol Biernes sang aga kay Provincial Veterinarian Dr Renante Decena agudto mapat-od kun tubtob san-o ipatuman ang amo nga ban. Isa sa gina lantaw nila nga ma apektuhan amo ang supply sang manok kag iban pa gid nga produkto nga apektado sang ban.
Suno kay Decena, ang iban sa ila, kasubong sa mga dalagko nga fast food chain ang may naga kaigo pa nga supply tubtob sa Marso 15.
Ang ila nga ginakabalak-an ang pag katapos sang Marso 15, kun mag lawig pa ang banning. Gina paabot sa karon ang pag pa gwa sang memorandum circular sang Department of Agriculture nga maga pa untat sang pag gwa sang poultry products kag iban pa padulong sa MIMAROPA region, Visayas kag Mindanao bilang tikang nga mapamatukan ang paglapta sang bird flu kasunod sang kaso nga na report sa Bulacan kag Pampanga.
Suno kay Decena, padayon ang pagpatuman sang mga inspection sa mga puerto, airport, kag sa mga boundaries, sa mga naga sulod sang shipment.
“Actually ang iban may local man. May mga window man ta. Kay ara pa man ang Bacolod nga ma accept kay highly urbanized city man sila. Ang concern nila is how long kag ma extend. Siling ko we will wait for March 15. March 15 amo na ang end. Kag ga request kun ano ang situation. Ang situation right now ang Manila ga prepare sang ila memorandum circular for the banning sang movement from Luzon to MIMAROPA, visayas and mindanao”, suno kay Decena.