Shadow

Pag-require sang bakuna sa face to face classes gindula anay sang EOC

Wala pa sang pat-ud nga schedule para sa pag-abot sang dugang nga supply sang Pfizer vaccines nga igatalana para sa 5-11 year old vaccination program sa Bacolod.

Suno kay Em Ang, executive director sang Bacolod Emergency Operations Center nga ila i-recommend ang pag-suspend anay sang vaccination requirement para sa mga estudyante sa elementary nga ginapaabot magabalik sa face to face classes.

Ginkalipay naman ini sang iloy nga si Mariane Gualdrapa. Pero desidido siya nga mapabakunahan ang lima niya ka tuig nga anak nga babaye nga luyag man magbalik para sa face to face classes.

Gina-abi abi naman ini ni Councilor Renecito Novero, chairperson sang committee on education, ini samtang wala pa sang available nga supply sang bakuna para sa mga kabataan.

Ang Apolinario Mabini Elementary School isa sa 70 ka mga eskwelahan nga naghinyo sang approval halin sa Local School Board kag EOC para sa igapatuman nga face to face classes antes matapos ang bulan sang Marso.

Plano nila nga mag-issue anay sang waiver sa mga ginikanan sang 82 ka mga estudyante nga tugutan para makabalik sa classroom.

Isa sa mga nakasugtan sang Local School Board para sa ginalauman nga pagbalik sang face to face classes amo nga dapat fully vaccinated ang mga manunudlo kag ang mga estudyante pati na ang katapo sang ila panimalay.

Secured By miniOrangeSecured By miniOrange