Nagsapul ang nagkalain-lain nga grupo sang mga negosyante sa bacolod sa kay Bacolod City Police Director Colonel Manuel Placido para ipadangat sa PNP ang kahangawa nila sa mga nagluntad nga kaso sang pagpangluthang sang nagligad nga bulan sang Pebrero.
Suno sa chief executive officer sang Metro Bacolod Chamber of Commerce and Industry nga si Frank Carbon, plano sang PNP nga ibalik sumugod sini nga semana ang Motorized Anti-Street Crime Operatives ukon MASCO para mabantayan ang dalanon batuk sa krimen ilabi na sa mga lugar nga may madamo nga establisimiento komersyal.
Ang MASCO ang ginatapuan sang mga pulis nga nagasakay sa motorsiklo kag nagalibot sa siudad para magpatuman sang seguridad.
Ginpahayag ni Carbon nga handa ang mga negosyante nga magdugang sa fuel allowance sang MASCO agud nga masami sila nga makalibot sa dalanon.
Plano man karon sang BCPO nga magdugang sang mga police stations sa Bacolod bangud tuman na kalapad ang balantayan sang pulis bilang epekto sang pag uswag sang siudad sa sulod sang malawig nga mga tinuig.