Shadow

Bangkay sang lalaki nga gindala sa Sum-ag River, crew sang isa ka inter island nga sakayan

Nagapati karon ang pamilya sang lalaki nga nasapwan patay sa tunga sang lawud sa boundary sang Bacolod kag Guimaras nga may yara sang foul play sa kamatayon sang biktima.

Ang nasapwan nga patay amo si Christian Ducay, 26 anyos kag isa ka apprentice sa cargo ship.

Sakay si Ducay sa cargo ship nga gikan Iligan kag padulong kun tani Siquijor sang siya ang gina alegar naglumpat sa barko kag nasapwan siya nga patay sang mga mananagat sang Huwebes sang aga.

Gindala sa Barangay Sum-ag sang mga mananagat ang lawas sang biktima.

Suno kay Police Major Ritchie Gohee, pamuno sang Police Station 9, ang kapitan sang barko nga gina sakyan ni Ducay ang nag report sa Bayawan Police Station sang nagligad nga Martes nga ang iya isa ka upod sa barko nga amo si Ducay ang nag lumpat sa barko bangud suno sa iya may problema ini sa pamensaron.

Pero ang pamilya sang biktima nag siling nga antes pa nasapwan patay ang ila himata, nakapanugid na siya nga may apat siya ka kaupod sa barko nga naga pahug sa iya. Ginhatag man suno sa pamilya sang biktima ang mga ngalan sang iya apat ka upod sa barko nga naga pahug sa iya.

Gani dako ang pag pati sang pamilya nga wala nag lumpat ang ila anak kag may yara sang foul play sa iya sini kamatayon.

Ginpa idalom na sa autopsy ang bangkay ni Ducay.

Leave a Reply

Your email address will not be published. Required fields are marked *

Secured By miniOrangeSecured By miniOrange