Ang Iloilo-Bacolod Association of Veterinary Sales Representatives ang nag patigayon sang apat ka adlaw nga caravan sa Negros Occidental.
Sini nga hapon nag turn over sila sang mga sprayers kag disinfectants sa kay Governor Eugenio Jose Lacson.
Sa madason nga mga inadlaw maga libot sila sa probinsya para mag hatag sang dugang nga ihibalo sa mga pumuluyo tuhoy sa African swine fever.
Ginpasalamatan man sang Provincial Veterinarian Office ang ini nga tikang sang grupo.
Tubtob subong naga pabilin nga ASF free ang Negros Occidental.
Wala ginatugtan nga maka sulod sa probinsya ang baboy gikan sa Luzon, Mindanao kag Eastern Visayas.
Nagpatigayon man sila sang information caravan sa Iloilo kag iban nga bahin sang Panay.