Personal nga ginkadtuan ni Bacolod City Lone District Representative Alfredo Abelardo Benitez ang 23 ka pamilya sa Purok San Jose 2, Barangay Sum-ag nga nasunugan sang Setyembre 1.
Naghatag man siya sang foodpacks kag tig-5,000 pesos sa tagsa ka pamilya nga naapektohan sang sunog. Dugang pa niya, may paalabuton man nga assistance ang mga nasunogan gikan sa DSWD.
Ginsiling ni Benitez nga bangud masami ginabaha ang lugar nga gina-istaran sang mga nasunugan, luyag sini pangitaan sang iban nga saylohan pero sa amo man nga Barangay.
Nahibaluan man nga ang duta nga ginatindugan sang ila balay nga nasunog, ang indi man ila.
Suno kay Benitez, kun mag pag panindugan ang mga biktima nga dira sa gihapon sila ma istar, ila nalang istoryahon ang tag-iya sang duta agud mabakal ini sang gobyerno sa idalum sang Communication Mortgage Program.
Gindeclare sang Bureau of Fire Protection nga red zone ang amo nga area rason nga indi ini dali-dali masulod sang fire trucks kun may sunog.
[sibwp_form id=1]