Sa padayon nga random testing sang Bacolod City Veterinary Office sa mga baboy, may apat pa gid ka dugang nga kaso sang African Swine Fever sa Bacolod City.
Duha diri ang na-record sa Barangay Cabug samtang isa naman sa Barangay Estefania. Nagpositibo man sa amo nga balatian ang isa ka baboy sa AVM Bernardo Slaughterhouse sa Barangay Handumanan.
Ini ang ka sunod lamang sang pag anunsyo sang Negros Occidental Provincial Veterinary Office nga nagbalik na sila export sang baboy matapos nga wala na sang may narecord nga ASF cases sa probinsya sa sulod sang 40 ka adlaw.
Sa kabug-usan, 14 na tanan ka mga baboy sa Bacolod City ang nagpositibo sa ASF.
Na-record ang iban nga mga positive cases sa Barangay Alijis, Alangilan, Taculing kag Granada.
Padayon man ang pagapabakod sang BCVO sa ila nga monitoring kag random testing agud matumod ang kalaparon sang mga naapektohan nga mga baboy.
Ginahaylo man sang BCVO ang mga hograisers nga magpatuman sang hugot nga biosecurity measures kag mag coordinate sa siudad kun may mga sinyales sang masakit ang ila mga baboy.
[sibwp_form id=1]