Isa ka lapsag ang nasapwan nga patay sa kilid sang isa ka balay sa Barangay General Luna, banwa sang Toboso sa Negros Occidental, Huwebes sang hapon.
Naputos sa tela ang lapsag kag ginsulod sa sako sang bugas.
Ginsiling ni Police Capt. Judesses Catalogo, public information officer sang Negros Occidental Police Provincial Office, ginkuha sang pulis ang bangkay sang lapsag kag na-report ang insidente sa Municipal Social Welfare and Development Office.
Suno kay Catalogo, nag-request na ang PNP sang post-mortem examination agud mahibaluan kon pila ang edad sang lapsag, ano ang gender sini, ano ang gintunaan sang iya kamatayon kag kung pila na ini ka oras nga patay antes pa siya nakit-an.
Gindala ang lapsag sa Toboso Primary Health Care Facility.
“The investigation already rules, may mga witness na ta nga naistorya sang aton kapulisan sa Toboso, may lead na kita. Hopefully we can identify the parents or the mother sang infant. Categorically mahambal man sa post-mortem kung pila gid ang ma-certain nga edad sang bata and then the cause of death. Ti kung one to three days and wala man sang iban nag rason or iban nga illness ang bata, ma-belong gid na siya sa possibly sa i-apply nga case kung may deliberate intent sa ginikanan or iloy mismo nga i-abandon. Hopefully amo na ang aton nga later on gina-clear sang aton kapulisan dira sa Toboso, that we are propounding what is the cause”, suno kay Catalogo.
[sibwp_form id=1]